منجملہ آداب طریق سے یہ ہے کہ ہمیشہ باوضو رہے اور دوامِ وضو سے فراخی رزق ہوتی ہے۔

اگر ذکر کا اس قدر ملکہ ہو جائے کہ ہمیشہ دل حاضر ہو اور اگر ذاکر کو اس حضور سے تعلق ہو تو وہ ابرار میں سے ہے۔

بہترین عمل محاسبہ ہے، اگر تمام روز عبادت میں صرف ہوا تو شکر کرنا چاہیے، اگر معصیت میں صرف ہوا ہو تو استغفار کرے۔

ہمت اسے کہتے ہیں کہ کسی کام کے واسطے اس طرح دل کو جمع کرے کہ اس کے غلاف خیال دل میں نہ آئے۔

اعمال و اخلاق کا اثر جمادات پر بھی پڑتا ہے، چنانچہ اگر کوئی شخص ایسی جگہ نماز پڑھے کہ وہاں اعمال و اخلاق نا پسندیدہ ہوتے ہوں تو وہ نماز ایسی پُر برکت و انوار نہ ہوگی جیسی کہ ایسی جگہ ادا ہو۔