فدوی، مرزا محمد علی
نام مرزا محمد علی، فدوی تخلص۔ عرفیت مرزا بھچّو۔ دہلی کے رہنے والے تھے۔ یہیں پیدا ہوئے، یہیں پلے بڑھے اور جب ابدالی کے حملوں نے دہلی کی حالت ابتر کردی تو یہ ترک وطن کرکے تلاش معاش میں لکھنؤ اور فیض آباد چلے گئے اور وہاں سے عظیم آباد آئے اور اس شہر کو وطن ثانی بنالیا۔ وہ رکن الدین عشق کے شاگرد اور مرید تھے۔فدویؔ فارسی و عربی سے واقف تھے اور موسیقی سے بھی لگاؤ تھا۔ سیروسیاحت کے بہت شوقین تھے۔ ۹۶۔۱۷۹۵ء میں عظیم آباد میں انتقال کرگئے اور وہیں شاہ عشق کے مکان میں دفن ہوئے۔