معین الدین جو ادبی دنیا میں معین اثر چشتی کے نام سے معروف ہیں، ایک سنجیدہ اور باوقار شاعر کی حیثیت سے اپنی شناخت رکھتے ہیں، وہ اعلیٰ تعلیم یافتہ ہیں اور علم و ادب سے گہری وابستگی رکھتے ہیں، انہیں فدا خالدی دہلوی اور محسن ملیح آبادی جیسے اہلِ علم و فن کی تربیت حاصل ہوئی، جس کے باعث ان کے کلام میں فنی پختگی، فکری بالیدگی اور اسلوبی نکھار نمایاں ہے، معین اثر چشتی بنیادی طور پر غزل کے شاعر ہیں، جہاں وہ عشق، انسانی جذبات اور زندگی کے مختلف پہلوؤں کو نہایت لطیف اور دلنشیں انداز میں پیش کرتے ہیں، اس کے ساتھ ساتھ انہیں نعت گوئی کا بھی عمدہ ذوق حاصل ہے اور وہ حضرت رسول اللہ کی بارگاہ میں نہایت خلوص اور عقیدت کے ساتھ نذرانۂ محبت پیش کرتے ہیں، ان کی نعتیہ شاعری میں سادگی، سوز و گداز اور روحانی کیفیت نمایاں ہے جو قاری کو متاثر کیے بغیر نہیں رہتی۔