پیر نصیر الدین نصیر ایک شاعر، ادیب، محقق، خطیب، عالم اور صوفی باصفا تھے۔ آپ اردو، فارسی اور پنجابی زبان کے شاعر تھے۔ اس کے علاوه عربی، ہندی، پوربی اور سرائیکی زبانوں میں بھی شعر کہے ہیں۔ اسی وجہ سے انہیں "شاعر ہفت زبان" کے لقب سے یاد کیا جاتا ہے، چھوٹی بڑی تقریبا 36 کتابیں آپ کی ملتی ہے۔ آپ پیر غلام معین الدین (المعروف بڑے لالہ جی) کے فرزند ارجمند اور پير مہر علی شاہ کے پڑپوتے تھے۔ آپ کی پیدائش 14 نومبر 1949ء میں گولڑه شریف میں ہوئی۔ آپ گولڑہ شریف کی درگاہ کے سجادہ نشین تھے۔ آپ کا انتقال 13 فروری 2009ء کو ہوا، مزار گولڑه شریف میں مرجع خلائق ہے۔