u'mar-bhar yād-e-durr-e-dandāñ meñ maiñ giryāñ rahā

qabr per juz dāman-e-shabnam koī chādar na ho

u'mar-bhar yaad-e-durr-e-dandan mein main giryan raha

qabr per juz daman-e-shabnam koi chadar na ho

qalb-e-momin ā.īna hai zāt-e-momin kā ‘razā’

dekh kar hairāñ use kiyuñ aql-e-asqandar na ho

qalb-e-momin aaina hai zat-e-momin ka ‘raza’

dekh kar hairan use kiyun aql-e-asqandar na ho

tairtā hai phuul ban kar bahr-e-ġham meñ dil mirā

kis tarah Duube vo kashtī jis meñ kuchh lañgar na ho

tairta hai phul ban kar bahr-e-gham mein dil mera

kis tarah Dube wo kashti jis mein kuchh langar na ho

hijr ke ālām se chhūTūñ ye qismat meñ nahīñ

maut bhī aane kā gar vā'da kare bāvar n ho

hijr ke aalam se chhuTun ye qismat mein nahin

maut bhi aane ka gar wa'da kare bawar n ho

uzr kuchh mujhko nahīñ qātil tū bismillah kar

sar ye hāzir hai magar ehsān mere sar na ho

uzr kuchh mujhko nahin qatil tu bismillah kar

sar ye hazir hai magar ehsan mere sar na ho

tairtā hai phuul ban kar bahr-e-ġham meñ dil mirā

kis tarah Duube vo kashtī jis meñ kuchh lañgar na ho

tairta hai phul ban kar bahr-e-gham mein dil mera

kis tarah Dube wo kashti jis mein kuchh langar na ho

uḌ sakeñ barsāt meñ kis tarah jugnū be-shumār

josh-e-giriyā meñ sharar-afshāñ jo dil aksar na ho

uD saken barsat mein kis tarah jugnu be-shumar

josh-e-giriya mein sharar-afshan jo dil aksar na ho