mushtark shab se huā ḳhūn-e-jigar ashkoñ meñ

raat se rañg badalne lage aañsū apnā

mushtark shab se hua KHun-e-jigar ashkon mein

raat se rang badalne lage aansu apna

raam kis tarah karegā koī sayyād use

apne saaye se bhī ram kartā hai aahū apnā

ram kis tarah karega koi sayyaad use

apne saye se bhi ram karta hai aahu apna

pusht-e-pā maare na kiyūñ himmat-e-gardūñ 'rind'

shal nahīñ fazl-e-ḳhudā se abhī baazū apnā

pusht-e-pa mare na kiyun himmat-e-gardun 'rind'

shal nahin fazl-e-KHuda se abhi bazu apna

bū-e-gul se mujhe dhoka na de us kī bū kā

chochlā rahne de bād-e-sahrī tū apnā

bu-e-gul se mujhe dhoka na de us ki bu ka

chochla rahne de baad-e-sahri tu apna