har qadam kashmakash har-nafs uljhaneñ zindagī vaqf hai dard-e-sar ke liye

pahle apne hī darmāñ kā ġham thā hameñ ab dvā chāhi.e chārāgar ke li.e

har qadam kashmakash har-nafs uljhanen zindagi waqf hai dard-e-sar ke liye

pahle apne hi darman ka gham tha hamein ab dwa chahie chaaragar ke lie

qātil ko hai zo'm-e-chāra-garī dard-e-nihāñ kī ḳhair nahīñ

vo mujh pe karam farmāne lage shāyad mirī jaañ kī ḳhair nahīñ

qatil ko hai zo'm-e-chaara-gari dard-e-nihan ki KHair nahin

wo mujh pe karam farmane lage shayad meri jaan ki KHair nahin

utrā vo ḳhumār-e-bāda-e-ġham rindoñ ko huā idrāke-e-sitam

khulne ko hai mai-ḳhāne kā bharam ab pīre-e-muġhāñ kī ḳhair nahīñ

utra wo KHumar-e-baada-e-gham rindon ko hua idrake-e-sitam

khulne ko hai mai-KHane ka bharam ab pire-e-mughan ki KHair nahin

maiñe baḳhsī hai tārīkiyoñ ko ziyā aur ḳhud ik tajllī kā muhtāj huuñ

raushnī dene vaalī ko bhī kam se kam ik diyā chāhiye apne ghar ke liye

maine baKHsi hai tarikiyon ko ziya aur KHud ek tajlli ka muhtaj hun

raushni dene wali ko bhi kam se kam ek diya chahiye apne ghar ke liye

mujhe raas aayeñ ḳhudā kare ishtibāh kī sā.ateñ

unheñ e'tibār-e-vafā to hai mujhe e'tibār-e-sitam nahīñ

mujhe ras aayen KHuda kare ishtibah ki saaten

unhen e'tibar-e-wafa to hai mujhe e'tibar-e-sitam nahin

merī zindagī pe na muskurā mujhe zindagī kā alam nahīñ

jise tere ġham se ho vāstā vo ḳhizāñ bahār se kam nahīñ

meri zindagi pe na muskura mujhe zindagi ka alam nahin

jise tere gham se ho wasta wo KHizan bahaar se kam nahin

mujhe raas aayeñ ḳhudā kare ishtibāh kī sā.ateñ

unheñ e'tibār-e-vafā to hai mujhe e'tibār-e-sitam nahīñ

mujhe ras aayen KHuda kare ishtibah ki saaten

unhen e'tibar-e-wafa to hai mujhe e'tibar-e-sitam nahin