قناعت کے دروازے کا مرید بن مکھی نہ بن کہ جو چیز سامنے آئی اسی پر بیٹھ گئی، پاک اور ناپاک کا دھیان نہ رکھا۔

ماسوا سے دل کو خالی کر، جب گھر فضول چیزوں سے بھرا ہوا ہو تو خالی کیے بغیر اس میں آرائش و زیبائش و زیبائش کے قیمتی سامان نہیں رکھ سکتے، جس بوتل میں شرابِ کثیف بھری ہو اس میں نفیس گلاب کیسے بھر سکتے ہیں، اگر گھر میں معزز مہمان کا استقبال کرنا ہے تو گھر کی صفائی ضروری ہے۔

مخلوق سے حق کے لیے پیوستہ رہنا چاہیے کیوں کہ اس طرح مخلوق سے وابستگی خدا کی خوشنودی کا باعث ہے۔

مشائخِ کبار کو آخرت اور بہشت کی بشارتیں ان کی مناجات سحرگاہی کی بدولت ملی ہیں۔

معرفتِ حق کے کئی مدارج ہیں اور معرفتِ نفس جو معرفتِ حق کی شرط ہے کئی درجے رکھتی ہے، پس معرفت کا ہر درجہ معرفتِ حق کا ایک دریچہ کھول دیتا ہے۔