شیر پرتاپ سنگھ اردو اور فارسی دونوں زبانوں پر یکساں قدرت رکھتے تھے، شعر و ادب سے گہرا شغف تھا، وہ ’’کشل‘‘ تخلص کرتے تھے، ان کی ادبی شخصیت کی نمایاں خصوصیت ان کی دو لسانی شعری صلاحیت ہے، فارسی زبان میں بھی ان کی نعتیہ شاعری دستیاب ہے جس میں بارگاہِ رسالت مآب سے عقیدت و محبت کے جذبات نہایت خلوص کے ساتھ جلوہ گر ہوتے ہیں، ان کا یہ نعتیہ سرمایہ اردو کی مشترکہ تہذیبی روایت میں فارسی زبان کے ذریعے غیر مسلم شعرا کی عقیدت مندانہ نعت گوئی کی ایک قابلِ ذکر مثال ہے۔