سمیرا خالد پاکستانی قلم کار اور مترجم ہیں، ان کی پیدائش نارووال کے ایک چھوٹے سے گاؤں ارودافغاناں میں ہوا لیکن انہوں نے اپنا بچپن اور ابتدائی زندگی لاہور میں گزاری، آج کل وہ دبئی میں مقیم ہیں، انہوں نے پنجاب یونیورسٹی سے انگریزی زبان اور ادب میں ایم اے کی ڈگری حاصل کی جہاں انہیں اول آنے پر گولڈ میڈل سے نوازا گيا، ان کی تحریر عام انسانی جذبات، احساسات اور پنجاب کی دیہی زندگی کی پیچیدگیوں پر مرکوز ہے۔

سمیرا انگریزی اور اردو دونوں زبانوں میں افسانے لکھتی ہیں، اس کے علاوہ انہوں نے بچوں کے لیے کہانیوں کی کتاب بھی لکھی ہے جو زیرطبع ہے، ان کا شاعری کا مجموعہ بھی زیر طبع ہے، ان کا کام حال ہی میں اکیوی میگزین اور ہوگلی ریویو میں شائع ہوا تھا۔