Sufinama
noImage

سوامی بھگوان داس جی نرنجنی

باعتبار

تھانن مقام پرمان یہ شیترواس سو نام

تہاں گرنتھ پورن پرگٹ جو بھاکھے بھگوان

پی پیوش جیو جگت سوں تجی ایکت اگیان

اکھنڈ دھار جیوں تیل کی سو امرت پرمان

امرت دھارا گرنتھ یہ کہیو وید پرمان

ارجن داس پرکاس گرو تت سیوگ بھگوان

ارتھ دھرم ارو کام پنی تیاگ پدارتھ تین

سو ادھیکاری موکش کو مہا گیان پروین

یہ سنشیہ کی گرنتھی ہے کہی الپ کر سوئ

گرو شاستر پرتیت نہں نشچیہ کچھو نہ ہوئ

پرمبرہم پر ماتما ہے پروکش پد جاس

گیان اگیہ پرتیکش کو، کینہوں گرنتھ پرکاش

منگل روپ سوروپ مم نجانند پد جاس

لہیو منگلاچرن یہ سوہں ہنس پرکاس

سترہ سئے اٹھائیسا سموت سنکھیا جان

کاتگ ترتیا پرتھم ہی پورن گرنتھ پرمان

جگ کے بندھن گیان تیں مکت ہون کی آس

آس واس وسواس تجی سو ممکشو پرکاس

سادھو سنگ پرتاپ تیں شری گرو گیان پرکاش

شدھ نرنجن گیان لہی کینہوں وچن ولاس