har tamannā ishq meñ harf-e-ġhalat

āshiqī meñ mānī-e-hāsil fareb

har tamanna ishq mein harf-e-ghalat

aashiqi mein mani-e-hasil fareb

duā lab pe aatī hai dil se nikal kar

zamīñ se pahuñchtī hai baat āsmāñ tak

dua lab pe aati hai dil se nikal kar

zamin se pahunchti hai baat aasman tak

saañs meñ āvāz-e-nai hai dil ġhazal-ḳhvāñ hai 'zhīn'

shāyad aane ko hai vo jān-e-bahārāñ is taraf

sans mein aawaz-e-nai hai dil ghazal-KHwan hai 'zhin'

shayad aane ko hai wo jaan-e-bahaaran is taraf

husn-mahv-e-rang-o-bū hai ishq ġharq-e-hā.e-o-hū

har gulistāñ us taraf hai har bayābāñ is taraf

husn-mahw-e-rang-o-bu hai ishq gharq-e-hae-o-hu

har gulistan us taraf hai har bayaban is taraf

azal se abad tak kabhī aañkh dil kī

na jhapke jhapakne na paa.e to kyā ho

azal se abad tak kabhi aankh dil ki

na jhapke jhapakne na pae to kya ho

allāh allāh vo jamāl-e-dil-fareb

mahfil-e-kaunain hai mahfil-e-fareb

allah allah wo jamal-e-dil-fareb

mahfil-e-kaunain hai mahfil-e-fareb

ishq har-ān na.ī shān-e-nazar rakhtā hai

ġhamza-o-ishva-o-andāz-o-adā kuchh bhī nahīñ''

ishq har-an nai shan-e-nazar rakhta hai

ghamza-o-ishwa-o-andaz-o-ada kuchh bhi nahin

vo chamkā chāñd chhaTkī chāñdnī taare nikal aa.e

vo kyā aa.e zamīñ par āsmāñ ne phuul barsā.e

wo chamka chand chhaTki chandni tare nikal aae

wo kya aae zamin par aasman ne phul barsae