افسوس ہے ان افراد پر جو قرض پر زندگی بسر کرتے ہیں اور ہاتھ پیر نہیں ہلاتے۔

اہلِ دنیا - دنیا کی سب سے مرغوب اور لذیذ چیز ہے، لطف اندوز ہوئے بغیر یہاں سے رخصت ہو جاتے ہیں اور وہ معرفتِ الٰہی ہے۔

جو شخص تجھ سے کم تر ہو اس سے تواضع و انکساری سے پیش آ اور جو شخص تجھ سے بڑا ہے اس سے ادب و تواضع سے مل اور جو متکبر ہے اس کی پرواہ نہ کر۔

گمنامی کو پسند کرو اور شہرت سے دور رہو مگر یہ ظاہر نہ کرو کہ تم گمنامی کو پسند کرتے ہو اس لیے کہ اس سے بھی نفس میں غرور پیدا ہوتا ہے۔

کوئی شخص عالم نہیں ہوسکتا جب تک کہ اس کے دل میں خوفِ خدا اور دنیا سے بے رغبتی نہ ہو۔