بہاؤالدین دولت مند زندگی کے خلاف نہ تھے، کیوں کہ ان کے نزدیک اصل اہمیت روحانی و اخلاقی کمال کی ہے۔

تزکیۂ نفس کے لیے گناہوں سے مکمل کنارہ کشی ضروری ہے۔

صوفی وہ ہے جس کا دل کدورت سے پاک و صاف ہو۔

علم کے معنی پہچان کے ہیں، علم ہی کے ذریعہ ایک سالک خدا کی بارگاہ میں درجات اور مراتب حاصل کرتا ہے اور یہ اسی وقت ممکن ہے کہ وہ علم حاصل کرکے اس پر عمل بھی کرے۔

فقیر یعنی خدا کی رضا میں راضی ہو، چاہے اس کے پاس کچھ نہ ہو، دنیا کے مال و زر سے بے نیاز ہو، مال ہو تو راہِ حق میں خرچ کرنے لیے ہو اور نہ ہو تو شکر و قناعت پر تکیہ ہو، فقیر جس قدر دنیا کے مال و متاع سے بے نیاز ہوتا جاتا ہے، اسی قدر اس کی زندگی الطافِ خفی اور اسرار کی روشنی سے وابستہ ہوتی ہے۔