صوفی وہ ہے جس کا دل کدورت سے پاک و صاف ہو۔

تزکیۂ نفس کے لیے گناہوں سے مکمل کنارہ کشی ضروری ہے۔

فقیر یعنی خدا کی رضا میں راضی ہو، چاہے اس کے پاس کچھ نہ ہو، دنیا کے مال و زر سے بے نیاز ہو، مال ہو تو راہِ حق میں خرچ کرنے لیے ہو اور نہ ہو تو شکر و قناعت پر تکیہ ہو، فقیر جس قدر دنیا کے مال و متاع سے بے نیاز ہوتا جاتا ہے، اسی قدر اس کی زندگی الطافِ خفی اور اسرار کی روشنی سے وابستہ ہوتی ہے۔

علم کے معنی پہچان کے ہیں، علم ہی کے ذریعہ ایک سالک خدا کی بارگاہ میں درجات اور مراتب حاصل کرتا ہے اور یہ اسی وقت ممکن ہے کہ وہ علم حاصل کرکے اس پر عمل بھی کرے۔

ترکِ دنیا درحقیقت دل کو دنیا کی محبت سے آزاد کرنا ہے، نہ کہ محض ظاہری دوری اختیار کرنا۔

انسان کو چاہیے کہ اپنے احوال کو درست اور اقوال و افعال میں اپنے نفس کا محاسبہ کرے۔

ایک فقیر کی شان یہ ہوتی ہے کہ اس کے فقر و توکل کو دنیا کی کوئی شئے شکست نہیں دے سکتی اور اس کی ایک سانس دونوں عالم میں سما نہیں سکتی۔

انسان میں اصل چیز دل ہے اور جب اس دل کی اصلاح ہو جاتی ہے تو انسان کے ہر عضو کی اصلاح ہونے لگتی ہے۔

فقیر کا مرتبہ خدا کے نزدیک بہت بڑا اور افضل ہے۔

ہر قول و فعل سے پہلے خدا سے التجا کر اور اس سے نیک عمل کی توفیق کی مدد چاہ۔

بدن کی سلامتی کم غذا کھانے میں ہے اور روح کی سلامتی ترکِ گناہ میں ہے۔

صوفی کو چاہیے کہ رزقِ حلال کے لیے بھرپور کوشش کرے مگر ساتھ ہی ذکرِ الٰہی میں بھی مشغول رہے۔

سچائی اور اخلاص سے خدا کی عبادت کر اور اس کے عبادت و اذکار میں غیراللہ کی نفی ہو۔

بدن کی سلامتی قلتِ طعام میں اور روح کی سلامتی ترکِ گناہ میں اور دین کی سلامتی حضرت رسول اللہ پر درود بھیجنے میں ہے۔

سچے طالبِ حق کو باطن کی تنہائی اور ہر شے سے دل کا ہٹانا تلاش کرنا چاہیے۔

جب بندے کا یقین پختہ ہو جاتا ہے، یہاں تک کہ اس کی حرکات و سکنات میں خدا کے جلوے رونما ہونے لگتے ہیں، اس کی عادتیں اس کے نفس پر غالب آ جاتی ہے۔

عارف گریہ کرتا ہے لیکن جب اس کو قربتِ خداوندی نصیب ہوتی ہے تو وہ گریہ بند کر دیتا ہے۔

جسمانی صحت کی بقا کے لیے سالک کو کم کھانا چاہیے۔

ضرورت کے سوا نہ کوئی بات کہے اور نہ کوئی کام انجام دینا چاہیے۔

عارف وہ ہے جو صبح کو اٹھے تو رات یاد نہ کرے۔

بہاؤالدین دولت مند زندگی کے خلاف نہ تھے، کیوں کہ ان کے نزدیک اصل اہمیت روحانی و اخلاقی کمال کی ہے۔