ḳhushī mahsūs kartā huuñ na ġham mahsūs kartā huuñ

magar haañ dil meñ kuchh-kuchh zer-o-bam mahsūs kartā huuñ

KHushi mahsus karta hun na gham mahsus karta hun

magar han dil mein kuchh-kuchh zer-o-bam mahsus karta hun

tire 'ishq meñ zindagānī luTā dī

'ajab khel khelā javānī luTā dī

tere 'ishq mein zindagani luTa di

'ajab khel khela jawani luTa di

un ko but samjhā thā yā un ko ḳhudā samjhā thā maiñ

haañ batā de ai jabīn-e-shauq kyā samjhā thā maiñ

un ko but samjha tha ya un ko KHuda samjha tha main

han bata de ai jabin-e-shauq kya samjha tha main

miTne kā ġham nahīñ hai bas itnā malāl hī

kyuuñ terā intizār kiyā haa.e kyā kiyā

miTne kā ġham nahīñ hai bas itnā malāl hī

kyuñ terā intizār kiyā hae kyā kiyā

kāfir kī chashm-e-nāz pe kiyā dil jigar kā zikar

īmān tak nisār kiyā haa.e kyā kiyā

kafir ki chashm-e-naz pe kiya dil jigar ka zikar

iman tak nisar kiya hae kya kiya

ham ne to ġham ko siine se apne lagā liyā

ġham ne hameñ shikār kiyā haa.e kyā kiyā

hum ne to gham ko sine se apne laga liya

gham ne hamein shikar kiya hae kya kiya

un ke sitam bhī sah ke na un se kiyā gila

kyuuñ jabr iḳhtiyār kiyā haa.e kyā kiyā

un ke sitam bhi sah ke na un se kiya gila

kyun jabr iKHtiyar kiya hae kya kiya

tumhīñ par se 'bahzād' ne be-ḳhudī meñ

kyā dil tasadduq javānī luTā dī

tumhīñ par se 'bahzād' ne be-ḳhudī meñ

kyā dil tasadduq jawānī luTā dī

ye dil meñ hai jo ghabrāhaT ye āñkhoñ meñ hai jo aañsū

is ehsāñ ko bhī bālā-e-karam mahsūs kartā huuñ

ye dil meñ hai jo ghabrāhaT ye āñkhoñ meñ hai jo aañsū

is ehsāñ ko bhī bālā-e-karam mahsūs kartā huñ

ai merī aaho laboñ tak hī raho

aa rahā hai be-ḳhabar aane to do

ai meri aaho labon tak hi raho

aa raha hai be-KHabar aane to do

qismat ne aah ham ko ye din bhī dikhā diye

qismat pe e'tibār kiyā haa.e kyā kiyā

qismat ne aah hum ko ye din bhi dikha diye

qismat pe e'tibar kiya hae kya kiya

azal se abhī tak to yaksāñ hai 'ālam

yahī aarzū thī yahī aarzū hai

azal se abhi tak to yaksan hai 'alam

yahi aarzu thi yahi aarzu hai

sayyād kī razā ye ham aañsū na pī sake

uzr-e-ġham-bahār kiyā haa.e kyā kiyā

sayyād kī razā ye hum aañsū na pī sake

uzr-e-ġham-bahār kiyā hae kyā kiyā

un ko but samjhā thā yā un ko ḳhudā samjhā thā maiñ

haañ batā de ai jabīn-e-shauq kyā samjhā thā maiñ

un ko but samjha tha ya un ko KHuda samjha tha main

han bata de ai jabin-e-shauq kya samjha tha main