آپ سہارن پور کے باشندہ تھے، قرآن بھی حفظ کر رکھا تھا، حج بیت اللہ کی سعادت بھی نصیب ہوئی تھی، اپنے والد کے گراں سے ابتدائی تعلیم حاصل کی اور علمائے رامپور سے فقہ، اصول، معانی اور منطق کی تعلیم حاصل کی، مولانا فضل حق خیرآبادی سے استفادہ کیا، شاہ احمد سعید مجددی سے کچھ حدیثیں بھی پڑھیں اور فن طب حکیم امام الدین دہلوی سے دیکھا، بیضاوی، مشکوٰۃ، جلالین اور حماسہ پر شرح اور حاشیے لکھے، انساب اور ایّام عرب پر ایک کتاب بھی لکھی، مثنوی اور قصاید کے علاوہ غزلیں بھی لکھی ہیں۔