نفس کی شرارتیں ایسی باریک ہوتی ہیں کہ بڑے بڑے صاحبِ علم و عقل اس کے جال میں پھنس کر جادۂ حق سے دور جا پڑتے ہیں۔

حسنِ امر یہ ہے کہ دنیا کو آخرت کی خاطر چھوڑ دے اور آخرت کو رب کے لیے ترک کر دے۔

آدمی کا دل ایک آئینہ ہے جو جسم کے مکان میں رکھا ہوا ہے۔

اخلاص دو چیزوں سے پیدا ہوتا ہے، الفت سے یا عظمت سے لیکن مرتبۂ الفت مرتبۂ عظمت سے مقدم ہے، مرتبۂ الفت کو حاصل کیے بغیر بغیر مرتبۂ عظمت تک رسائی ناممکن ہے اور عظمت کے بغیر اخلاص پیدا نہیں ہوسکتا۔