گوپال کرشن 26 اکتوبر 1933ء کو پٹیالہ میں پیدا ہوئے، پنجاب یونیورسٹی سے اردو میں ایم۔اے۔ کی ڈگری حاصل کی اور عملی زندگی میں ذریعۂ معاش کے طور پر طبابت کو اختیار کیا، شعر و سخن سے ان کی دلچسپی زمانۂ طالب علمی ہی میں پیدا ہوگئی تھی جو رفتہ رفتہ ایک پائیدار ادبی شغف میں تبدیل ہوگئی، شاعری میں وہ شفق تخلص اختیار کرتے تھے، ان کے ادبی ذوق کی فکری و فنی تربیت اوم پرکاش زار علامی کی صحبت اور حلقۂ تلامذہ میں رہ کر ہوئی، وہ انبالہ میں سکونت پذیر رہے اور وہیں ادبی سرگرمیوں سے وابستہ رہے، ان کا مجموعۂ کلام رنگ کے نام سے شائع ہوا۔