جگن ناتھ کمال اردو ادب کے ان باوقار شاعروں میں شمار ہوتے ہیں جنہوں نے اپنی شعری صلاحیتوں اور ادبی ذوق کے ذریعے اہلِ ادب میں ایک نمایاں مقام حاصل کیا، ان کا اصل نام جگن ناتھ تھا جبکہ شاعری کی دنیا میں کمال کرتار پوری کے نام سے شہرت پائی، ان کا تعلق جالندھر کا تاریخی قصبہ کرتارپور سے تھا جو علمی و ادبی روایات کے اعتبار سے ایک ممتاز حیثیت رکھتا ہے، تعلیم کے میدان میں انہوں نے قابلِ قدر کامیابیاں حاصل کیں، وہ بی۔اے کے ساتھ ساتھ فارسی اور اردو کے فاضل بھی تھے، مشرقی علوم و فنون سے گہری وابستگی اور زبان و ادب پر مضبوط دسترس نے ان کی ادبی شخصیت کو استحکام بخشا اور ان کے کلام کو فکری گہرائی عطا کی، پیشہ ورانہ زندگی میں وہ ڈسٹرکٹ سروسز سے وابستہ رہے اور طویل عرصے تک دیانت داری اور ذمہ داری کے ساتھ فرائض انجام دینے کے بعد سبکدوش ہوئے، ان کی ادبی یادگاروں میں ’’نغمۂ کمال‘‘ اور ’’کمالِ سخن‘‘ خصوصیت کے ساتھ قابلِ ذکر ہیں۔