پورا نام محمد کبیر احمد اور تخلص شکیل تھا، تاہم ادبی حلقوں میں وہ کبیر احمد شکیل کے نام سے معروف و مقبول تھے، ان کی ولادت 15 اپریل 1953ء کو نظام آباد کے قصبہ بودھن میں محمد مولانا کے گھر ہوئی، انہوں نے اردو میں ایم اے اور بی ایڈ تک تعلیم حاصل کی، بعد ازاں پیشۂ تدریس سے وابستہ ہوئے اور طویل عرصہ خدمات انجام دینے کے بعد وظیفۂ حسنِ خدمت پر سبکدوش ہوگئے، تاہم ریٹائرمنٹ کے بعد بھی ان کی تعلیمی، تدریسی اور ادبی سرگرمیاں بدستور جاری رہیں، انہوں نے 1974ء میں باقاعدہ طور پر شاعری کا آغاز کیا، ان کے اساتذۂ سخن میں شیخ حسین سالک، سید نظیر علی عدیل اور اظہر قادری کے نام قابلِ ذکر ہیں، انہوں نے حمد، نعت، منقبت، سلام، غزل، نظم اور قطعات جیسی مختلف اصنافِ سخن میں طبع آزمائی کی، کورونا وبا کے دوران نافذ لاک ڈاؤن کے ایام میں 20 جولائی 2020ء کو وہ داعیٔ اجل کو لبیک کہہ گئے۔