کشش پھلواروی کا اصل نام محمد معشوق ہے، آپ حضرت علی سجاد بن شاہ نعمت اللہ پھلواروی کے چھوٹے صاحبزادے تھے، آپ کی پیدائش 18 رجب المرجب 1268ھ میں ہوئی، مختصرات تک حضرت علی حبیب نصر اور مولانا محمد صدیق عیسیٰ پوری سے تعلیم پائی، بیعت و خلافت حضرت نصر سے تھی ہی تھی، علمی ذوق کے آدمی تھے، شاعری کا مذاق تھا، کشش تخلص کرتے تھے، ’’اگر اس بارگاہِ پاک میں تیرا گذر ہووے‘‘ آپ کی مشہور غزل ہے جسے بہار کے قوال محفل میں پڑھتے ہیں، اردو کا ایک ضخیم دیوان آپ کی یادگار خانقاہ مجیبیہ میں موجود ہے، 5 صفرالمظفر 1333ھ میں انتقال فرمایا اور باغ مجیبی میں مدفون ہوئے۔