کنج بہاری لعل کھتری "برقی" آگرہ کے محلہ نائی منڈی کے رہنے والے تھے، وہ ہیرالعل کے فرزند تھے اور فنِ شاعری میں حاتم بیگ "مہر" سے شرفِ تلمذ حاصل تھا، انہوں نے 1852ء سے 1861ء تک مشن کالج اور گورنمنٹ کالج میں انگریزی اور فارسی کی تعلیم حاصل کی، برقی نے شاعری میں اپنی الگ شناخت قائم کی اور نعت گوئی میں بھی طبع آزمائی کی، ان کا نعتیہ کلام "تذکرۂ نعت گویانِ اردو" اور "ماہنامہ نعت" (لاہور) میں شائع شدہ صورت میں ملتا ہے۔