دیوی پرشاد گوڑ 26 اکتوبر 1914ء کو بریلی میں پنڈت بابو رام جی کے گھر پیدا ہوئے، شعری ذوق کی آبیاری اور فنِ سخن کی تربیت کے لیے کشن لال ثاقب بریلوی سے شرفِ تلمذ حاصل کیا اور ان کی رہنمائی میں اپنی شعری شناخت قائم کی، نعتیہ شاعری سے خصوصی شغف رکھتے تھے، چنانچہ گلہائے عقیدت کے نام سے ان کا نعتیہ مجموعۂ کلام 1973ء میں منظرِ عام پر آیا، نعتیہ مشاعروں میں پابندی سے شرکت کرتے رہے، اگست 1985ء میں عارضۂ سرطان کے باعث اس دنیا سے رخصت ہوئے۔