مہربان علی مہرؔ کا تعارف
سید مہربان علی بن سید امانت علی پیدائش کے اعتبار سے بریلی کے رہنے والے تھے، تاہم ان کی پرورش و تربیت رامپور میں ہوئی، ریاستِ رامپور میں نواب کلب علی خاں کے عہد میں ملازمت اختیار کی اور توپ خانے میں حوالدار کے منصب پر فائز رہے، وہ عشقِ رسول میں سرشار رہتے تھے، انہوں نے کسی استاد کی شاگردی اختیار نہیں کی، محض اپنے ذوقِ سلیم کی بنیاد پر شعر کہتے تھے، ان کا کلام زیادہ تر نعتیہ ہوتا تھا۔
