ḳhudā bhī usī kī taraf hogā beshak

qayāmat meñ kiyā jaane se hāsil

KHuda bhi usi ki taraf hoga beshak

qayamat mein kiya jaane se hasil

aish-o-ishrat vasl-o-rāhat sab ḳhushī meñ sharīk

be-kasī meñ aah koī pūchhne vaalā nahīñ

aish-o-ishrat wasl-o-rahat sab KHushi mein sharik

be-kasi mein aah koi puchhne wala nahin

kiyūñ gul-e-āriz pe tumne zulf bikhrā.ī nahīñ

chashma-e-ḳhurshīd meñ kiyūñ saañp lahrāyā nahīñ

kiyun gul-e-ariz pe tumne zulf bikhrai nahin

chashma-e-KHurshid mein kiyun sanp lahraya nahin

kūcha-e-qātil meñ jākar haath se rakhhe tujhe

o dil-e-be-tāb hamne isliye paalā nahīñ

kucha-e-qatil mein jakar hath se rakhhe tujhe

o dil-e-be-tab hamne isliye pala nahin

vahm hai shak hai gumāñ hai baal se bārīk hai

is se behtar aur mazmūn-e-kamar miltā nahīñ

wahm hai shak hai guman hai baal se barik hai

is se behtar aur mazmun-e-kamar milta nahin

chashm nargis ban ga.ī hai ishtiyāq-e-dīd meñ

kaun kahtā hai ki gulshan meñ tirā charchā nahīñ

chashm nargis ban gai hai ishtiyaq-e-did mein

kaun kahta hai ki gulshan mein tera charcha nahin

hashr ke din imtihāñ pesh-e-ḳhudā doño kā hai

lutf hai unkī jafā merī vafā se kam rahe

hashr ke din imtihan pesh-e-KHuda dono ka hai

lutf hai unki jafa meri wafa se kam rahe

vaqt-e-ārā.ish jo kī ā.īna per usne nazar

husn ḳhud kahne lagā is se hasīñ dekhā nahīñ

waqt-e-araish jo ki aaina per usne nazar

husn KHud kahne laga is se hasin dekha nahin

ḳhūn-e-nāhaq kī shahādat ke liye kaafī hai ye

dāman-e-qātil pe jo dhabbe lahū ke jam rahe

KHun-e-nahaq ki shahadat ke liye kafi hai ye

daman-e-qatil pe jo dhabbe lahu ke jam rahe

vo zālim hai be-dard saffāk qātil

use dard-e-dil kā sunāne se hāsil

wo zalim hai be-dard saffak qatil

use dard-e-dil ka sunane se hasil

sāmne mere hī vo jaate haiñ bazm-e-ġhair meñ

al-madad ai zabt mujh ko kab tak us kā ġham rahe

samne mere hi wo jate hain bazm-e-ghair mein

al-madad ai zabt mujh ko kab tak us ka gham rahe