احمد حسین وحشت بن مولوی غلام حسین، بدایوں کے محلہ سوتھا میں خاندانِ متولیان کے ایک معزز اور باوقار فرد تھے، ان کے والد فارسی زبان کے یکتائے زمانہ اساتذہ میں شمار ہوتے تھے اور تدریسِ فارسی سے وابستہ رہے، وحشت کو شاعری میں میاں عبداللہ شاہ بیتاب بدایونی اور فیض احمد رسوا بدایونی سے تلمذ حاصل تھا جس کے باعث ان کے کلام میں فنی پختگی اور اثر آفرینی نمایاں تھی، وہ اپنے پیر کے نہایت عاشق اور با نسبت بزرگ تھے اور ان کا نعتیہ و منقبتی کلام اکثر محافلِ میلاد میں ذوق و شوق سے پڑھا جاتا تھا، ان کا وصال 7 صفر 1307ھ مطابق 13 اکتوبر 1889ء کو ہوا، ان کے نعتیہ قصائد کا ایک مجموعہ ثمرِ بہشت کے نام سے 1875ء میں مطبع صدیق، بریلی سے شائع ہوا جو ان کے والہانہ عشقِ رسول اور شعری کمال کا مظہر ہے۔