آپ مرزا عبدالقادر بیدلؔ کے شاگردوں میں سے تھے، وطن کشمیر تھا، آپ کے دیوان میں تقریبا 60 ہزار اشعار ہیں، شاہ آفرینؔ لاہوری سے بھی ملاقات تھی، تصوف کا اعلیٰ ذوق تھا، آپ کے اشعار متصوفانہ آھنگ سے لبریز ہیں، غزلیں اور مثنویاں زیادہ کہی ہیں، آپ کا نام کچھ لوگوں نے ’’شاہ قابل‘‘ اور کچھ لوگوں نے ’’شاہ محمد پناہ‘‘ لکھا ہے، ’’مخزن الغرائب‘‘ کے مصنف نے ان کا تخلص ’’شاہ پناہ‘‘ بتایا ہے، شاہ جہان آباد میں درویشانہ زندگی گزاری، 1170ء میں وفات ہوئی۔