منشی روپ کشور منشی نند لال کے فرزند تھے، سہارن پور سے تعلق رکھتے تھے اور 1874ء میں ایک معزز جینی خاندان میں پیدا ہوئے، شعر و سخن کی تربیت شنکر لال ساقی سکندرآبادی اور غریب سہارنپوری سے حاصل کی اور اپنی قادرالکلامی کے باعث اردو کے اچھے شاعروں میں شمار ہونے لگے، ان کی نعتیہ وابستگی خاص طور پر قابلِ ذکر تھی، ان کی ہر غزل کا مطلع نعتیہ ہوتا تھا، جس سے حضرت رسول اللہ سے ان کی گہری عقیدت اور محبت کا اندازہ ہوتا ہے، فارسی اور انگریزی زبانوں پر بھی اچھی دسترس رکھتے تھے۔