سیلانی سیوتے کی نعتیہ شاعری ان کے پاکیزۂ ذوق اور والہانہ عشقِ رسول کی آئینہ دار ہے، ان کی ایک نعت ماہنامہ باجی، بریلی کے اولین شمارے میں شائع ہوئی جو ان کے ادبی ذوق اور نعتیہ سرمایہ کی مقبولیت کا بین ثبوت ہے، پیشہ ورانہ زندگی میں بھی انہوں نے نمایاں خدمات انجام دیں اور دوردرشن کیندر، بھوپال میں اسسٹنٹ ڈائریکٹر کے منصب پر فائز رہے جہاں اپنی انتظامی صلاحیتوں اور ثقافتی و ادبی شعور کے باعث قدر و منزلت کی نگاہ سے دیکھے گئے۔