دنیا داری کے پردے میں دین داری کرنا مگر دین داری کے پردے میں دنیا داری مت کرنا۔

علمِ باطنی کا خاصہ تواضع، خاکساری، فروتنی اور نرم دلی ہے۔

مرید تعمیلِ حکمِ مرشد کو اپنے لیے فرضِ عین اور مرشد خدمتِ مرید کو اپنے اوپر مرید کا احسان تصور کرے۔

کمالِ سماع یہ ہے کہ جس طرح سماع بالمزامیر سے اور الفاظ کی تصحیح و تاثیر سے کیفیت پیدا ہوتی ہے ویسی ہی کیفیت گھوڑے کی ٹاپ کی آواز سے بھی پیدا ہو۔

ہم نے ایک زمانے تک بہت تکلیف اٹھائی، پھٹا ہوا جوتا پہنتے تھے، ایک پھٹا لحاف تھا، جسے جاڑے میں اوڑھتے اور گرمی میں اسی کو نیچے بچھا لیا کرتے تھے، مرید جب تک تکلیف نہ اٹھائے گا، غریب لوگوں کا حال کیسے جانے گا؟