قریب تر راستہ ذکر ہے اور اس سے بھی قریب تر صورت پیر و مرشد کے ساتھ مشغول ہونا ہے، خدا جس کسی کے توفیق حال کرے کہ اس کو مشغولی واسطۂ پیر ہو جائے، اس کے لیے اس سے بہتر اور کوئی کام نہیں اور ایک گوشہ میں بیٹھ کر اسی ملاحظہ میں مشغول رہے، اگرچہ کوئی اور ریاضت نہ کی ہو فقط یہی اس کو خدا تک پہنچا دے گی اور مبتدی کو پیر کی صورت میں مشغول ہونے کے بغیر چارہ نہیں ہے کیوں کہ عالم الٰہی عالمِ معنی ہے اور اس کا دیکھنا ممکن نہیں ہے مگر صاحبِ کمال کی صورت میں کہ انسانِ کامل کی ذات، ذاتِ حق ہے اور کمال حق کی مظہر ہے۔