Sufinama
Tufail Hoshiarpuri's Photo'

Tufail Hoshiarpuri

1914 - 1993 | Lahore, Pakistan

Tufail Hoshiarpuri

Ghazal 13

Kalaam 2

 

Doha 1

dil meñ sad.hā ḳhvāhisheñ meñ laakh armān

duniyā meñ sukh kis tarah paa.e aaj insān

daulat-mand raaj hai daulat-mand tej

bin daulat ke zindagī kāñToñ hai sej

dhoke se daulat mile jhūTh chaḌhe parvān

sachchā.ī ho gayā duniyā meñ fuqdān

aaj paap ke peḌ meñ phuul aa.eñ aur phal

mil gayā gir kar ḳhaak meñ dharm tāj-mahal

jaane 'adl ko kyā huā gayā kahāñ insāf

qātil ko har jurm se daulat kare muaaf

daulat paa.e mimbarī daulat bane vazīr

pighle zar aañch se lohe zanjīr

aaj ke insāñ huā yuuñ kamzor īmān

qasmeñ khāne ke liye rah gayā hai qur.ān

daulat ho to niich bhī aaj uttam kahlā.e

ūñchā banñe ke liye ūñche mahal banā.e

duniyā aise huā daulat se sanjog

daulat ko rab kaheñ is duniyā ke log

daulat se shaan hai daulat se aan

daulat hai is daur meñ 'izzat pahchān

daulat dastūr hai daulat qānūn

daulat ke sailāb meñ bah jaatā hai ḳhuun

sāchī baat hai dosto rakhnā hameñ muaaf

daulat naam hai is jag meñ insāf

sikka daulat chale duniyā meñ din raat

nirdhan is daur meñ koī na pūchhe baat

dil mein sadha KHwahishen ji mein lakh arman

duniya mein sukh kis tarah pae aaj insan

daulat-mand ka raj hai daulat-mand ka tej

bin daulat ke zindagi kanTon ki hai sej

dhoke se daulat mile jhuTh chaDhe parwan

sachchai ka ho gaya duniya mein fuqdan

aaj pap ke peD mein phul aaen aur phal

mil gaya gir kar KHak mein dharm ka taj-mahal

jaane 'adl ko kya hua gaya kahan insaf

qatil ko har jurm se daulat kare muaf

daulat pae mimbari daulat bane wazir

pighle zar ki aanch se lohe ki zanjir

aaj ke insan ka hua yun kamzor iman

qasmen khane ke liye rah gaya hai quran

daulat ho to nich bhi aaj uttam kahlae

uncha banne ke liye unche mahal banae

duniya ka aise hua daulat se sanjog

daulat hi ko rab kahen is duniya ke log

daulat hi se shan hai daulat hi se aan

daulat hai is daur mein 'izzat ki pahchan

daulat hi dastur hai daulat hi qanun

daulat ke sailab mein bah jata hai KHun

sachi baat hai dosto rakhna hamein muaf

daulat hi ka nam hai is jag mein insaf

sikka daulat ka chale duniya mein din raat

nirdhan ki is daur mein koi na puchhe baat

  • Share this
 

Rubai 5

 

Geet 3

 

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now