جب تک ’من و تو‘ کا فرق رکھا جائے گا۔ اللہ تعالیٰ تک رسائی مشکل ہے۔ جب اس فرق کو مٹا دیا جائے گا تبھی اللہ کا دیدار نصیب ہوگا۔

خدا کی عظمت کا مکمل بیان ناممکن ہے۔ لاکھوں لوگوں میں سے ایک آدھ شخص ہی معرفت خداوندی حاصل کر پاتا ہے۔

میرا دل چاروں طرف بھٹکنے کے بعد تیرے دامان رحمت میں پناہ لینا چااہتا ہے ۔ تو رحماں و رحیم ہے اپنی ان صفات کے طفیل میری لاج رکھ لے۔ گو شاہ صاحب نے اس شعر کے ذریعہ انسان کو دعا مانگنے کا ایک خوبصورت طریقہ عطا کیا ہے کہ بندہ اپنی طلب کے مطابق صفت الٰہی کا واسطہ دے دے انشاء اللہ دعا قبول ہوجائے گی۔ مثلاً رحمت چاہیے تو صفت رحمان ،۔ رزق چاہیے تو صفت رزاق اور علم و حکمت چاہیے تو صفت علام الغیوم کے واسطے دعا مانگے۔

اس شعر کا تعلق بھی وحدت الوجود سے ہے شاہ صاحب کہتے ہیں کہ بیچ اور درخت، روئی اور کپڑا، دودھ اور دہی بہ ظاہر مختلف چیزیں ہیں۔ مگر حقیقتاً ان میں کوئی فرق نہیں ہے۔ اللہ تعالیٰ کا نور تو مومن کے دل میں ہوتا ہے۔ مگر یہ بات عالم و کامل ہی جانتے ہیں۔

دل ایک جوگی کی طرح ہے جس کی رہائش گاہ جسم ہے۔ جوگی نے عبادت کی گدڑی اوڑھ لی ہے اور ہجر کے آنسوؤں سے غسل کر رہا ہے۔ عبادت کرنے والا جوگی بھیک میں جلوۂ محبوب مانگ رہا ہے۔

جنہیں اللہ تعالیٰ ہدایت دیتا ہے انہیں کوئی گمراہ نہیں کر سکتا۔ اور ہدایت دینا صرف خدا کا کام ہے۔

انسان میں سچ، عدل، حیا اور علم چاروں کا ہونا ضروری ہے۔ سچ کے نہ رہنے سے کچھ نہیں رہتا۔ عدل کے ختم ہو جانے سے سب کچھ غارت ہو جاتا ہے۔ شرم و حیا کے خاتمے سے آدمی بے شرم ہو جاتا ہے اور علم حاصل نہ کرنے سے انسان جانور بن جاتا ہے۔

عشق ہنسی کھیل نہیں ہے اس میں بڑی زحمتیں اٹھانی پڑتی ہیں۔ راہ عشق پر چلنا اور منزل تک پہنچنا بہت مشکل کام ہے۔

شاہ صاحب قلب کی صفائی کے لیے بدن کی پاکیزگی اور طہارت کو بھی ضروری سمجھتے ہیں۔ وہ فرماتے ہیں کہ قرآن پا ک کے اس مقولے پر ایمان رکھنا ضروری ہے کہ تم جہاں بھی ہو اللہ تمہارے ساتھ ہے۔

دل ایک سمندر کی طرح ہے جس میں طرح طرح کی خواہشات کی لہریں اٹھتی ہیں کسی لہر کے ساتھ موتی آتے ہیں۔ اور کوئی لہر اپنے ساتھ کائی لاتی ہے۔ کیوں کہ تمام خواہشات ایک جیسی نہیں ہوتیں

جو لوگ اللہ تعالیٰ کے عالم الغیب ہونے پر یقین رکھتے ہیں، انہیں کی پیروی کرنا چاہیے۔ (روحانی معاملات میں مراقبہ اہمیت پر زور دیا ہے اور یہ راستہ مرشد کامل ہی بتا سکتا ہے)

نور خداوندی کا جلوہ اسی وقت ممکن ہے جب بندہ اپنی ’انا‘ ترک کردے اور حرص سے اپنا دامن چھڑا لے۔ صرف کتابیں پڑھنے سے خدا نہیں ملتا۔ ظاہر کے ساتھ علم باطن بھی ضروری ہے

نفس امارہ پر قابو رکھنا ضروری ہے کیوں کہ یہ انسان کو بربادی کے راستے پر لے جانے کی کوشش کرتا ہے وہ کہتے ہیں کہ جسم کو دل کا حکم ماننا چاہیے۔ اگر انسان ضبط نفس سے کام لے تو وہ ہمیشہ مطمئن رہے گا اور شیطان اسے گناہ میں مبتلا نہیں کر سکے گا۔

احد اور احمد میں میم کا فرق ہے۔ اور اسی میم میں سارا عالم غرق ہو گیا۔

حضرات چار یار کی امتیازی خصوصیات کی طرف اشارہ کیا ہے۔ وہ فرماتے ہیں حضرت ابوبکر، حضرت عمر، حضرت عثمان اور حضرت علی بالترتیب سچ، عدل، حیا اور علم کے اعلیٰ ترین نمونے ہیں۔ لہٰذا ان چاروں کی عزت کرنا ضروری ہے۔

جسے اللہ تعالیٰ گمراہ کر دے اس کی لاکھ کوشش کے باوجود کوئی ہدایت نہیں کر سکتا۔ ہدایت دینا اور گمراہ کرنا صرف اللہ کی مرضی پر منحصر ہے۔

اللہ تعالی کی حمد بیان کرنا بندے کے لیے ناممکن ہے جس طرح کتان چاند کی روشنی سے ٹکڑے ٹکڑے ہو جاتا ہے۔ اسی طرح اللہ تعالیٰ کی عظمت کے سامھے بندے کی زبان بند ہو جاتی ہے۔

شاہ صاحب ہندو مسلم ایکتا کی تعلیم دیتے ہیں وہ کہتے ہیں کہ ہندو اور مسلمان دونوں کا خالق اللہ تعالیٰ ہے اور اس قدرت کے جلوے دونوں میں ملتے ہیں۔ مندر اور مسجد میں جلائے جانے والے چراغ ایک ہی طرح کے ہوتے ہیں۔

اس محبت کا دستور ہی نرالا ہے پہلے تو محبت کرنے والے کو خوشی حاصل ہوتی ہے لیکن رفتہ رفتہ محبوب کا عشق دل کو تکلیف پہنچاتا ہے۔ محبوب کے جانے کے بعد اس کی یاد میں دل تڑپتا ہے اور عاشق کو مصیبت برداشت کرنی پڑتی ہے۔

اے لوگوں تمھارے لیے اہل بیت (اہل بیت پانچ ہیں) کی محبت لازمی ہے حضرت محمدؐ ان چاروں کے سردار ہیں۔ اگر اہل بیت سے محبت رکھوگے تو تمہاری تکالیف اور گناہ دور ہو جائیں گے اور جنت میں ٹھکانا ہوگا۔

میں نے اورنگ زیب کے دور حکومت میں اس کتاب کی تصنیف کا ارادہ کیا اور کتاب کا نام ’پیم پرکاش‘ (عشق و محبت کی روشنی) رکھا

خلفائے راشدین میں سے حضرت علی کو باقی تین خلفا سے افضل بتانا دانائی نہیں ہے۔