نواب محمد جمال الدین خان صادق جنگ کا تخلص حِلم ہے۔ ان کی نسبت سلسلہ ابوالعُلائیہ سے تھی اس لئے حِلم ابوالعُلائی کہلائے۔ آپ کا مولد و مسکن حیدرآباد تھا۔ حِلم آغائ ابوالعُلائی کی ٹھمریاں آج بھی سامع کی روح پر بے خودی اور وجدانی کیفیتیں پیدا کردیتی ہیں۔ ان کی ٹھمریوں کا مجموعہ پیت کی ریت بہت مشہور ہے۔ حِلم ابوالعُلائی کی ٹھمریاں جب مجالس سماع میں سنی جاتی ہیں تو مجلس کا رنگ کچھ اور ہی ہوجاتا ہے۔ جلیل مانک پوری حلم آغائ ابوالعُلائی کی کتاب "پیت کی ریت" پر اپنی تقریظ میں لکھتے ہیں کہ

"میں نے پیت کی ریت کو دلچسپی سے دیکھا اور اس کے رسیلے مضامین سے لطف بے اندازہ اٹھایا۔ اس مجموعے میں ڈیڑھ سو سے زائد ٹھمریاں تقریباً ہر راگنی میں موجود ہے۔ موصوف موسیقی کا علم رکھتے ہیں۔ جناب حِلم کی یہ تصنیف ہراعتبار سے بہت لطیف اور قابل قدر ہے"۔ (پیت کی ریت)