dāvar-e-hashr ye hai hashr meñ armāñ mujh ko

badle jannat ke mile kūcha-e-jānāñ mujh ko

dāwar-e-hashr ye hai hashr meñ armāñ mujh ko

badle jannat ke mile kūcha-e-jānāñ mujh ko

jis taraf kūcha-e-qātil meñ guzar hotā hai

nazar aate haiñ udhar maut ke sāmāñ mujh ko

jis taraf kucha-e-qatil mein guzar hota hai

nazar aate hain udhar maut ke saman mujh ko

raat ko be-ḳhabar rahe aap to ḳhvāb-e-nāz meñ

niiñd na aa.ī sub.h tak ham ko shab-e-darāz meñ

raat ko be-KHabar rahe aap to KHwab-e-naz mein

nind na aai subh tak hum ko shab-e-daraaz mein

dekh kar āsmāñ ko ham to zamīñ meñ gaḌ ga.e

jab na kahīñ jagah milī aap kī bazm-e-nāz meñ

dekh kar aasman ko hum to zamin mein gaD gae

jab na kahin jagah mili aap ki bazm-e-naz mein

aur kisī kā nuur hai us mah-e-dil-navāz meñ

aks ko dekh be-ḳhabar ā.īna-e-majāz meñ

aur kisi ka nur hai us mah-e-dil-nawaz mein

aks ko dekh be-KHabar aaina-e-majaz mein

fātiha paḌhte rahe hañste rahe rote rahe

qabr par aa kar unhoñne qaul puurā kar diyā

fatiha paDhte rahe hanste rahe rote rahe

qabr par aa kar unhonne qaul pura kar diya

saath merā terā ai ā.īna rahtā thā

vo bhī din yaad haiñ jab sāmne tū rahtā thā

sath mera tera ai aaina rahta tha

wo bhi din yaad hain jab samne tu rahta tha