محبوب احمد وارثی مولوی سید عاشق وکیل گیاوی کے فرزندِ دوم تھے، وہ علمی، ادبی اور سیاسی حلقوں میں ایک فعال اور باوقار شخصیت کے طور پر جانے جاتے تھے، ابتدائی و اعلیٰ تعلیم کے بعد انہوں نے اسلامیہ کالج سے بی۔اے کی ڈگری حاصل کی، جبکہ قانون کی اعلیٰ تعلیم مسلم یونیورسٹی، علی گڑھ سے مکمل کی، محبوب احمد وارثی ایک سرگرم سیاست داں، ماہرِ قانون، کامیاب مقرر اور صاحبِ ذوق شاعر تھے، ان کی شخصیت میں علمی سنجیدگی، سیاسی بصیرت اور ادبی لطافت کا حسین امتزاج پایا جاتا تھا، شعر و ادب میں انہیں وحشت کلکتوی کی قربت اور شاگردی کا شرف حاصل تھا۔