بعض لوگوں کا یہ خیال ہے کہ نوافل پڑھنا خدمتِ خلق سے بہتر ہے، ان کا یہ خیال غلط ہے، کیوں کہ خدمت کا جو اثر قلب پر پڑتا ہے وہ ظاہر ہے، دونوں کے نتیجے میں نظر کرتے ہوئے یہ تسلیم کرنا پڑتا ہے کہ خدمتِ خلق نوافل پڑھنے سے بہتر ہے۔

جو شخص ریاضت و مجاہدہ نہ کرے اس کو دولتِ مشاہدہ نہیں حاصل ہو سکتی۔

صوفی کے لیے یہ ضروری ہے کہ وہ جاہل نہ ہو۔

مرید کی تعلیم کا آغاز صفائے قلب سے شروع ہوتا ہے۔

توکل یہ ہے کہ کسی چیز کے لیے کسی سے سوال نہ کیا جائے۔