میں کھوٹی ہوں تم کھرے کھرے تمہارے کاج

کھوٹ کھوٹ سب چھانٹ دو کھرا بنا دو آج

پی مورا من پیؤ کی پی دن ہیں میں رین

جیسے نجریا ایک ہے دیکھت کے دو نین

تم ہی جگت مہراج ہو اور مضطرؔ تمرے داس

جن حالن چاہو رکھو پر رکھنا اپنے پاس

تن پایا تب من ملا من پایا تب پیؤ

تن من دونوں پی کے ہیں پی کا نام ہے جیو

چت مورا بے چت کیا مار کے نیناں بان

متر بنے تم چتر کے چتر کیا قربان

درشن جل کی پیاس ہے کچھ بھی نہیں ہے چاؤ

تم جگ داتا بج رہے تو کام ہمارے آؤ

تن میٹے من وار دے یہی پریت کی آن

جو اپنا آپا تجے سو وا کا داسی جان

نینا وہی سراہیے جن نینا بچ لاج

بڑے بھئے اور بس بھرے تو آون کونے کاج

جب بپتا پڑ جات ہے چھوڑ دیت سب ہاتھ

دیت اندھیری رین میں کب پرچھائیں ساتھ

مالک ہی کے نام کی مالا پھیرت لوگ

مالک میٹے تب مٹے نپٹ بپت کا روگ