ishq meñ āshiq kī ye me.arāj hai

qatl ho qātil kā muñh dekhā kare

ishq mein aashiq ki ye mearaj hai

qatl ho qatil ka munh dekha kare

kis ghar meñ kis hijāb meñ ai jaañ nihāñ ho tum

ham raah dekhte haiñ tumhārī kahāñ ho tum

kis ghar mein kis hijab mein ai jaan nihan ho tum

hum rah dekhte hain tumhaari kahan ho tum

rañg-e-gul phīkā hai jis ke sāmne

itnā rañgīñ yaar kā ruḳhsār hai

rang-e-gul phika hai jis ke samne

itna rangin yar ka ruKHsar hai

kare chāroñ taraf se kyuuñ na us ko āsmāñ sajde

zamīñ ko faḳhr hāsil hai rasūlallāh kī marqad kā

kare chaaron taraf se kyun na us ko aasman sajde

zamin ko faKHr hasil hai rasulallah ki marqad ka

mar miTe teri mohabbat meñ mohabbat vaale

un pe rashk aatā hai ye log haiñ qismat vaale

mar miTe teri mohabbat mein mohabbat wale

un pe rashk aata hai ye log hain qismat wale

haiñ shauq-e-zab.h meñ āshiq taḌapte murġh-e-bismil se

ajal to hai zarā kah aanā ye paiġhām qātil se

hain shauq-e-zabh mein aashiq taDapte murgh-e-bismil se

ajal to hai zara kah aana ye paigham qatil se

bhūlegā na ai 'akbar' ustād kā ye misra.a

saaqī diye jā sāġhar jab tak na ho be-hoshī

bhulega na ai 'akbar' ustad ka ye misra

saqi diye ja saghar jab tak na ho be-hoshi

yā-ḳhudā 'akbar' kī kashtī ko nikāl

tū hī is beḌe kā khevan-hār hai

ya-KHuda 'akbar' ki kashti ko nikal

tu hi is beDe ka khewan-haar hai

dekheñ ḳhush ho ke na kyuuñ aap tamāshā apnā

ā.īna apnā hai aks apnā hai jalva apnā

dekhen KHush ho ke na kyun aap tamasha apna

aaina apna hai aks apna hai jalwa apna

muñh phere hue to mujh se jaatā hai kahāñ

mar jā.egā āshiq tirā aare aare

munh phere hue to mujh se jata hai kahan

mar jaega aashiq tera aare aare

yā-ḳhudā 'akbar' kī kashtī ko nikāl

tū hī is beḌe kā khevan-hār hai

ya-KHuda 'akbar' ki kashti ko nikal

tu hi is beDe ka khewan-haar hai

hāzir hai bazm-e-yār meñ sāmān-e-aish sab

ab kis kā intizār hai 'akbar' kahāñ ho tum

hazir hai bazm-e-yar mein saman-e-aish sab

ab kis ka intizar hai 'akbar' kahan ho tum

piirī ne bharā hai phir javānī kā ruup

āshiq hue ham ek but-e-kam-sin ke

piri ne bhara hai phir jawani ka rup

aashiq hue hum ek but-e-kam-sin ke

musalmāñ donoñ phir bāham nifāq aah

kidhar DhūñDheñ tujhe ai ittifāq aah

musalman donon phir baham nifaq aah

kidhar DhunDhen tujhe ai ittifaq aah

haiñ shauq-e-zab.h meñ āshiq taḌapte murġh-e-bismil se

ajal to hai zarā kah aanā ye paiġhām qātil se

hain shauq-e-zabh mein aashiq taDapte murgh-e-bismil se

ajal to hai zara kah aana ye paigham qatil se

ishq meñ āshiq kī ye me.arāj hai

qatl ho qātil kā muñh dekhā kare

ishq mein aashiq ki ye mearaj hai

qatl ho qatil ka munh dekha kare

ba-juz āvāz zanjīr-e-girāñ kuchh ḳhush nahīñ aatā

yahāñ tak bhar ga.e haiñ kaan āvāz-e-salāsil se

ba-juz aawaz zanjir-e-giran kuchh KHush nahin aata

yahan tak bhar gae hain kan aawaz-e-salasil se

dahan hai chhoTā kamar hai patlī suDaul baazū jamāl achchhā

tabī.at apnī bhī hai maze kī pasand achchhī ḳhayāl achchhā

dahan hai chhoTa kamar hai patli suDaul bazu jamal achchha

tabiat apni bhi hai maze ki pasand achchhi KHayal achchha

na kamar us kī nazar aa.e sābit ho dahan

guftugū us meñ abas us meñ hai takrār abas

na kamar us ki nazar aae sabit ho dahan

guftugu us mein abas us mein hai takrar abas

koī rashk-e-gulistāñ hai to koī ġhairat-e-gulshan

hue kyā kyā hasīñ gulcharra paidā āb-o-gil se

koi rashk-e-gulistan hai to koi ghairat-e-gulshan

hue kya kya hasin gulcharra paida aab-o-gil se

ہم سے پھر جائے زمانہ بھی تو کیا ہوتا ہے

دل ہے مضبوط فقیروں کا خدا ہوتا ہے

رند بھی اکبرؔ ہے صوفی بھی ہے عاشق وضع بھی

کہتے ہیں اربابِ معنی میرا دیواں دیکھ کر