اصل نام محمد شوکت علی ہے۔ آپ کے والدکا نام عبدالرشید تھا۔ کلکتہ میں پیدا ہوئے اور وہیں قیام پذیر رہے۔ مدرسہ دارالقرآن، کلکتہ میں تحصیل علم کیا اور درس و تدریس کا سلسلہ شروع کیا۔ آپ کو فن حفظ و قرآت کا بھی شوق تھا۔ دوران تعلیم ہی رباعیات اور منقبت لکھنے کا حوصلہ دل میں موجزن تھا۔ طالب علمی کے عہد سے ہی لکھنے کا سلسلہ شروع ہوگیا تھا۔ حبیب ہاشمی سے اصلاح سخن لیتے تھے، شوکت کا رنگ صوفیانہ ہے، شوکت نے نعت پاک بھی کہی ہے، ایک شعر ملاحظہ ہو۔

انہیں کے فیض و کرم کے صدقے ملے ہیں شعر وسخن کے تحفے انہیں کے دم سے یہ شان و شوکت بنی ہوئی ہے، بنی رہے گی