Font by Mehr Nastaliq Web
Sheikh Abdul Qadir Jilani's Photo'

شیخ عبدالقادر جیلانی

1078 - 1166 | بغداد, عراق

سلسلۂ قادریہ کے بانی اور ممتاز صوفی

سلسلۂ قادریہ کے بانی اور ممتاز صوفی

شیخ عبدالقادر جیلانی کے صوفی اقوال

81
Favorite

باعتبار

اسے دیکھو جو تمہیں دیکھتا ہے،اس سے محبت کرو جو تم سے محبت کرتا ہے، اس کی سنو جو تمہاری سنتا ہے، اپنا ہاتھ اسے دو جو تھامنے کے لیے تیار ہے۔

پہلے اپنے آپ کو نصیحت کرو پھر دوسروں کو۔

دنیا کی دولت اکٹھی کرنے کی ہوس انسانوں کو جلدبازی پر اکسانے والی چیز ہے۔

خواہ تم بات کرو یا خاموش رہو، ہمیشہ اچھی نیت سامنے رکھو، جو شخص کسی بھی عمل سے پہلے اچھی نیت نہیں رکھتا اس کا عمل باطل ہے۔

جو غصہ کرے متکبر ہے جو گالی دے کمینہ ہے جو بدلہ لے درندہ ہے لیکن جو معاف کرے وہ محبِ خدا ہے۔

لوگ تجھے تکبر کرنے سے بڑا نہیں سمجھیں گے بلکہ تواضع اور سخاوت ہی تجھے معزز بنائے گی۔

کم از کم چالیس دن کے لیے اپنے رب کے ساتھ خالص ہو جاؤ، تمہارے دل کی زبان سے معرفت اور حکمت کے چشمے جاری ہو جائیں گے۔

ناجائز کمائی دل کو مردہ کر دیتی ہے جب کہ جائز کمائی دل کو زندگی دیتی ہے۔

دنیا کے سمندر سے بے خوف نہ ہو، اس میں بہت سے لوگ ڈوب چکے ہیں۔

مستحق سائل خدا کا ہدیہ ہیں جو بندوں کی بھلائی کے لیے ان کے پاس بھیجے جاتے ہیں۔

شروع کرنا تیرا کام ہے اور تکمیل کرنا خدا کا کام ہے۔

غیر مفید کلام کو چھوڑ، مذہبی تعصب کو ترک کر اور ایسی چیز میں مشغول ہو جا جو دنیا و آخرت میں نفع دے۔

برے لوگوں کی صحبت تمہیں نیک لوگوں کے بارے میں سوءِ ظن میں مبتلا کر دے گی۔

تم دوسروں کی رہنمائی کیسے کر سکتے ہو جب تم خود اندھے ہو؟ صرف بصیرت رکھنے والا شخص ہی دوسروں کی رہنمائی کرسکتا ہے۔

خوش رہنا چاہتے ہو تو دوسروں کو خوش رکھنے کی کوشش کرو۔

اصل سچائی یہ ہے کہ تم وہاں بھی سچ بولو، جہاں جھوٹ بولے بغیر نجات ممکن نہ ہو۔

اگر توحید گھر کے دروازے پر ہے اور شرک گھر کے اندر تو یہ بعینہٖ نفاق ہے۔

شکستہ قبروں میں غور کر، کیسے کیسے حسینوں کی مٹی خراب ہو رہی ہے۔

اے عمل کرنے والے اخلاص پیدا کر ورنہ فضول مشقت ہے۔

جو شخص علم کے بغیر عبادت کرتا ہے وہ اصلاح سے زیادہ فساد میں مبتلا ہوجاتا ہے۔

پہلے اپنے آپ کو نصیحت کرو پھر دوسروں کو۔

جب لوگ فصل کاٹ رہے ہوں تب بیج اور کھیتی کی باتیں کرنا بے معنی ہے۔

اللہ اور رسول کی محبت فقر و فاقہ سے ملی جلی ہوتی ہے۔

بیکار آدمی زمین پر بار ہوتا ہے۔

ہماری غیبت کرنے والے ہماری فلاح ہیں کہ ہم کو خراج دیتے ہیں اور اپنے اعمالِ صالحہ ہمارے اعمال نامہ میں منتقل کرا دیتے ہیں۔

اس کی رغبت اختیار کرو جو تیرے نفس کے جہاد پر تیری اعانت کرے۔

ٹھٹھ ماری سے اجتناب کرو۔

دنیا نام کے سمندر سے بے خوف نہ ہو، نہ جانے کتنے لوگ اس میں ڈوب گئے ہیں۔

جہل تیری موت ہے۔

اہل اللہ دنیا میں افلاس سے اور آخرت میں قربت سے رضا مند ہیں، تنہائی و گوشہ نشینی کو دوست رکھو۔

چاہے بولو یا خاموش رہو مگر اچھی نیت رکھو، جس نے کسی عمل سے پہلے اچھی نیت نہ رکھی اس کا عمل بے کار ہے۔

نامحرم کے سامنے اپنی آنکھیں نیچی رکھو۔

وعظ خالص خدا کے لیے کر ورنہ تیرا گناہگار رہنا ہی بہتر ہے۔

اپنے دل سے ہر ایک کو نکال دو کیوں کہ یہ خدا کا گھر ہے۔

دنیا ایک محدود وقت تک ہے اور آخرت ایک غیر متناہی مدت تک۔

علم میں زندگی ہے۔

توبہ کرنے کے بعد پھر گناہ کرنا ستر گناہوں کے برابر ہے۔

بوالہوس مت بنو اور صبر کا دامن تھام لو۔

خدا کی قدر و قضا پر رضا کے خواہاں پر مصائب و آفات کے بوجھ ہلکے ہو جاتے ہیں۔

باطن عرفانِ خداوندی سے سیراب ہوتا ہے اور زبان نفس سے سیراب ہوتی ہے۔

زندگی میں انسان کا مقام یہ ہے کہ وہ از خود فانی ہوکر مشیتِ ایزدی کی فضا میں دوبارہ جنم لے، یہی وہ زندگی ہے جس کا انجام موت نہیں یہی وہ راحت ہے جس کا انتہا الم نہیں۔

دنیا سے اپنا حصہ اس طرح نہ لو کہ وہ بیٹھی ہوئی ہو اور تم کھڑے رہو۔

خدا کی تدبیر پر راضی ہوکر تمام اشیا میں بے رغبت بن جاؤ۔

زائد طلبی کے پیچھے نہ پڑو ورنہ ہلاک ہو جاؤ گے۔

اپنے دائیں ہاتھ سے خیرات کرو اور کوشش یہ کرو کہ اس کی اطلاع تیرے بائیں ہاتھ کو بھی نہ ہو۔

بے ادب خالق و مخلوق دونوں کا معتوب ہے۔

آخرت کو دنیا پر مقدم سمجھ دونوں میں نفع پائے گا۔

دوسروں کو نصیحت کرنے سے پہلے اپنے آپ کو نصیحت کرو۔

جس کا دل خلق و اسباب سے خالی نہیں وہ نبیوں صدیقوں اور صالحین کے راستے پر نہیں چل سکتا۔

دنیا آخرت کی طرف سے اور آخرت دنیا و آخرت کے پروردگار کی طرف سے حجاب ہے۔

aaj ik aur baras biit gayā us ke baġhair

jis ke hote hue hote the zamāne mere

Recitation

Jashn-e-Rekhta 11th Edition | 29-30-31 Jan, 2027 Buy Tickets

بولیے