سراج اورنگ آبادی کا اصل نام سید سراج الدین حسینی تھا۔ پیدائش 21 مئ 1715ء کو اورنگ آبادی میں ہوئی تھی۔ تعلیم وتربیت بھی وہیں ہوئی۔ آپ سادات کے ایک برگزیدہ خاندان کے فرد تھے۔ بارہ برس کی عمر میں ان پر ایک کیفیت طاری ہوگئی اور گھر سے نکل پڑے۔ یہ کیفیت ساٹھ سال تک رہی۔ وہ ایک درویش اور باکمال صوفی بزرگ تھے۔ ان کے مرید اور شاگرد بہ کثرت تھے۔ سراج نے ہر صنف سخن میں طبع آزمائی کی۔ اردو کی ایک ضخیم کلیات، فارسی اساتذہ کے کلام کا انتخاب اور ایک مثنوی’’بوستان خیال‘‘ سراج اورنگ آبادی کی یادگار ہے۔ ولی دکنی کے انتقال کے بعد سراج اورنگ آبادی شاعری میں ان کے قائم مقام سمجھے جاتے ہیں۔ سرج اورنگ آبادی کا انتقال 16 اپریل 1764ء کو اورنگ آباد میں ہوا۔