انسان کو چاہیے کہ اپنی بہتری و بھلائی کو دوسرے کے مقابلے میں ترجیح نہ دے۔

قدرِ ولی کوئی نہیں جانتا، البتہ ولی اپنی قدر آپ ہی جانتا ہے۔

مشکلات کا حل تقویٰ ہے۔

صوفی وہ نہیں ہے جو چلہ کشی کرے، خلوت میں بیٹھ کر ریاضت و مشقت اختیار کرے بلکہ صوفی وہ ہے کہ خود باقی نہ رہے۔

زندگی کا مقصد عبادتِ الٰہی ہے، یہی دنیا کی کمائی ہے۔

اہلِ دنیا پست ہمت، بے عقل، نادان، انجان، زندگی ان کی زر و مال، تسبیح ان کی دولت، ثروت جاہ و جلال، دنیا مقامِ عبرت و ذلت، دنیا شیطان العن کی میراث و ملکیت قابلش نفرت، دنیا دار مکار، روپے پیسے کی ذکر و فکر میں مستغرق و غلطاں و پیچاں، فقرا دیدارِ الٰہی میں متجسس و پریشان۔

درویشی بادشاہی سے بدرجہا بہتر الاّ گرفتاری خلق مانع و مزاحم نہ ہو۔