خدا نے حضرت آدم کی اولاد کو عبادت اور مخالفتِ نفس کے لیے پیدا فرمایا ہے، اس لیے طالب کو معشوقِ حقیقی کے عشق و طلب کے سوا کسی طرف متوجہ نہ ہونا چاہیے۔

دستِ سوال پھیلانا ایک ذلیل کام ہے، چاہے باپ کے ساتھ ہی کیوں نہ ہو۔

ریاضت و مجاہدہ ہی ظہورِ کشف و کرامات کے باعث ہیں لیکن راہِ خدا محنت و مشقت سے خالی نہیں، اس راستہ میں قدم مردانہ وار رکھنا چاہیے۔

لوگوں سے ان کی سمجھ کے مطابق گفتگو کرنی چاہیے۔

نادانوں اور کم ظرفوں کے حال پر رحم کرنا چاہیے، ایسوں کے ساتھ مہربانی کرنی، معصیت کو دعوت دینی ہے۔