ḳhushī se vo hamārī har ḳhushī pāmāl kar Dāleñ

jahāñ tak hai ḳhushī un kī vahāñ tak hai ḳhushī apnī

KHushi se wo hamari har KHushi pamal kar Dalen

jahan tak hai KHushi un ki wahan tak hai KHushi apni

yās-o-ummīd yuuñ rahīñ rāh-e-talab meñ saath saath

chaar qadam haTā diyā chaar qadam baḌhā diyā

yas-o-ummid yun rahin rah-e-talab mein sath sath

chaar qadam haTa diya chaar qadam baDha diya

ye ġham ye hichkiyāñ ye ashk-e-paiham chiiz hī kyā haiñ

bahut hī Thokareñ khilvā.egī dīvāngī apnī

ye gham ye hichkiyan ye ashk-e-paiham chiz hi kya hain

bahut hi Thokaren khilwaegi diwangi apni

nazar-afzoī-e-sham-e-tajallī ai zahe-qismat

kahāñ bazm-e-jamāl un kī kahāñ parvāngī apnī

nazar-afzoi-e-sham-e-tajalli ai zahe-qismat

kahan bazm-e-jamal un ki kahan parwangi apni

vo hai idhar 'itāb meñ dil hai udhar ’azāb meñ

zauq-e-talab ne kiyūñ mujhe jalva-e-iltijā diyā

wo hai idhar 'itab mein dil hai udhar ’azab mein

zauq-e-talab ne kiyun mujhe jalwa-e-iltija diya

dekh ke be-ḳhudī mirī aaj vo muskurā diyā

ishq-e-junūñ-mizāj ne husn ko gudgudā diyā

dekh ke be-KHudi meri aaj wo muskura diya

ishq-e-junun-mizaj ne husn ko gudguda diya