ummīd nahīñ ab kashti-e-dil sāhil pe salāmat jā pahuñche

dariyā-e-alam bhī baaḌh pe hai ashkoñ kī judā tuġhyānī hai

ummid nahin ab kashti-e-dil sahil pe salamat ja pahunche

dariya-e-alam bhi baDh pe hai ashkon ki juda tughyani hai

ye raaz kī bāteñ haiñ is ko samjhe to koī kyūñkar samjhe

insān hai putlā hairat kā majbūr bhī hai muḳhtār bhī hai

ye raaz ki baaten hain is ko samjhe to koi kyunkar samjhe

insan hai putla hairat ka majbur bhi hai muKHtar bhi hai

kuchh fikr tumheñ uqbā kī nahīñ 'ahqar' ye baḌī nādānī hai

duniyā kī ḳhushī kyā iizā kyā ye hādis hai vo faanī hai

kuchh fikr tumhein uqba ki nahin 'ahqar' ye baDi nadani hai

duniya ki KHushi kya iza kya ye hadis hai wo fani hai

ye ishq kī hai sarkār 'ahqar' ġhussa bhī yahāñ hai pyaar bhī hai

har zaḳhm-e-jigar ke phāhe meñ kāfūr bhī hai zañgār bhī hai

ye ishq ki hai sarkar 'ahqar' ghussa bhi yahan hai pyar bhi hai

har zaKHm-e-jigar ke phahe mein kafur bhi hai zangar bhi hai

ummīd nahīñ ab kashti-e-dil sāhil pe salāmat jā pahuñche

dariyā-e-alam bhī baaḌh pe hai ashkoñ kī judā tuġhyānī hai

ummid nahin ab kashti-e-dil sahil pe salamat ja pahunche

dariya-e-alam bhi baDh pe hai ashkon ki juda tughyani hai

kuchh fikr tumheñ uqbā kī nahīñ 'ahqar' ye baḌī nādānī hai

duniyā kī ḳhushī kyā iizā kyā ye hādis hai vo faanī hai

kuchh fikr tumhein uqba ki nahin 'ahqar' ye baDi nadani hai

duniya ki KHushi kya iza kya ye hadis hai wo fani hai

hairān hai tere maz.hab se sab gabrū musalmāñ ai 'ahqar'

ye us kī galī kā rasta hai pur-ḳhauf bhī hai pur-ḳhār bhī hai

hairan hai tere mazhab se sab gabru musalman ai 'ahqar'

ye us ki gali ka rasta hai pur-KHauf bhi hai pur-KHar bhi hai

dikhā.iye aaj rū-e-zebā uThā.iye darmiyāñ se parda

kahāñ se ab intizār-e-fardā yahī to sunte haiñ umr-bhar se

dikhaiye aaj ru-e-zeba uThaiye darmiyan se parda

kahan se ab intizar-e-farda yahi to sunte hain umr-bhar se

Dartā hī rahe insāñ is se ummīd gar hai baḳhshish kī

haiñ naam isī ke ye donoñ ġhaffār bhī hai qahhār bhī hai

Darta hi rahe insan is se ummid gar hai baKHshish ki

hain nam isi ke ye donon ghaffar bhi hai qahhaar bhi hai

khiñchī hai shamshīr-e-nāz qātil chale haiñ mushtāq-e-marg ghar se

kafan lapeTe hue kamar se koī idhar se koī udhar se

khinchi hai shamshir-e-naz qatil chale hain mushtaq-e-marg ghar se

kafan lapeTe hue kamar se koi idhar se koi udhar se

jab bāġh-e-jināñ meñ bū terī ai raunaq-e-gulshan phail ga.ī

bulbul ne guloñ se muñh moḌā phūloñ ne chaman ko chhoḌ diyā

jab bagh-e-jinan mein bu teri ai raunaq-e-gulshan phail gai

bulbul ne gulon se munh moDa phulon ne chaman ko chhoD diya