مشتاق احمد نام اورغبار تخلص تھا۔ والد کا نام مولانا نثار احمد تھا۔ غبار بھٹی بارہ بنکی میں نومبر 1920ء کو پیدا ہوئے۔ 1938ء سے ادبی دنیا میں قدم رکھا۔ آپ کو مولوی محبوب علی محب، مختار منشی کامل، حسرت موہانی، حکیم ہادی رضا، حکیم منے آغا فاضل اور حکیم باقر حسین شاعر جیسے اساتذہ کی صحبت حاصل تھی۔ آپ کے کلام ہندوستان کے مختلف رسائل میں شائع ہوتے رہے۔ طبابت اور تصنیف و تالیف آپ کی مشغولیات میں شامل تھیں۔ غالب، اقبال اور حسرت موہانی کے بڑے مداح تھے۔ غبار کی دو تصنیف ننھی روح اور پرواز غبار منظرعام پر آچکی ہیں۔ غبار بھٹی بارہ بنکی میں ضرور پیدا ہوۓ مگر وہ عظیم آباد میں ہی رہے اور یہیں کی خاک میں دفن ہوئے۔