mujh ko tāḳhīr kā shikva nahīñ haañ aur suno

ā.īna terā hai zulfeñ terī shānā terā

mujh ko taKHir ka shikwa nahin han aur suno

aaina tera hai zulfen teri shana tera

sāz-o-sāmāñ haiñ merī ye be-sar-o-sāmāniyāñ

bāġh-e-jannat se bhī achchhā hai ye vīrāna mirā

saz-o-saman hain meri ye be-sar-o-samaniyan

bagh-e-jannat se bhi achchha hai ye virana mera

kūcha-e-qātil meñ mujh ko gher kar laa.ī hai ye

jiite jī jannat meñ pahuñchā de qazā aisī to ho

kucha-e-qatil mein mujh ko gher kar lai hai ye

jite ji jannat mein pahuncha de qaza aisi to ho

ham meñ aur un meñ mohabbat yā-ḳhudā aisī to ho

jo sune vo bol uTThe mehr-o-vafā aisī to ho

hum mein aur un mein mohabbat ya-KHuda aisi to ho

jo sune wo bol uTThe mehr-o-wafa aisi to ho

dil churāyā hai mirā kis ne ḳhudā hī jaane

naam letā hai koī be-adbāna terā

dil churaya hai mera kis ne KHuda hi jaane

nam leta hai koi be-adbana tera

kūcha-e-qātil meñ mujh ko gher kar laa.ī hai ye

jiite jī jannat meñ pahuñchā de qazā aisī to ho

kucha-e-qatil mein mujh ko gher kar lai hai ye

jite ji jannat mein pahuncha de qaza aisi to ho

mahakne ko gul-e-dāġh-e-mohabbat dil meñ hai apne

khaTakne ko hai ḳhār-e-hasrat-e-dīdār āñkhoñ meñ

mahakne ko gul-e-dagh-e-mohabbat dil mein hai apne

khaTakne ko hai KHar-e-hasrat-e-didar aankhon mein

rind pī-pī ke gale milte haiñ kyā ek se ek

'iid kā din hai ki ahl-e-ḳharābāt kī raat

rind pi-pi ke gale milte hain kya ek se ek

'id ka din hai ki ahl-e-KHarabaat ki raat

ai zahe tāle'-e-bedār ki ham-ḳhvāb hai vo

maiñ to us raat ko samjhā huuñ karāmāt kī raat

ai zahe tale'-e-bedar ki ham-KHwab hai wo

main to us raat ko samjha hun karamat ki raat

milā kar aañkh dil lenā hai baa.eñ haath kā kartab

sivā is ke bhare haiñ be-shumār asrār āñkhoñ meñ

mila kar aankh dil lena hai baen hath ka kartab

siwa is ke bhare hain be-shumar asrar aankhon mein

dil-e-be-tāb sambhal ḳhauf hai rusvā.ī kā

haal dekhe na koī muztaribāna terā

dil-e-be-tab sambhal KHauf hai ruswai ka

haal dekhe na koi muztaribana tera