دنیا داروں کی صحبت سے دور رہے کیوں کہ یہ لوگ جب دنیا میں مستغرق ہو جاتے ہیں تو خدا کا خوف ان کے دلوں سے نکل جاتا ہے، حتیٰ کہ ان کے دلوں میں چینٹی کے کاٹنے کے خوف کے برابر بھی خوف نہیں رہتا۔

سالک کو چاہیے کہ حق تعالیٰ کی عبادت سے کبھی خالی نہ رہے کیوں کہ جو کوئی اس زمانہ میں اس قدر عبادت کرے گا، جلدی اپنے مقصود کو پہنچ جائے گا۔

سالک کو چاہیے کہ دنیا سے دور رہے کیوں کہ دنیا کی مثال کوڑا کرکٹ کی سی ہے اور دنیا کا طالب مانند گدھے کے ہے۔

سالک کو چاہیے کہ ہمیشہ نفس اور شیطان سے ڈرتا رہے اور کبھی ان سے مطمئن نہ ہو۔

مرشدِ کامل کا دامن پکڑ کر ہمیشہ اس کی صحبت میں رہو تاکہ ’’وصول الی اللہ‘‘ کا مرتبہ نصیب ہو۔